İlmi Umerov birden eki imayecisinden marum etildi

27.01.201723:37

Soñki eki kün içinde qırımtatar milliy areketi faali İlmi Umerov birden eki adliyecisinden marum etildi.

Onıñ qızı Ayşe Umerovanıñ malümatına binaen, adliyeci Nikolay Polozov mecburiy şekilde imayeci statusından şaat statusına keçirildi ve endi İlmi Umerovnıñ menfaatını cinaiy işte temsil etip olamay.

Onıñ diger bir adliyecisi Emil Kurbedinov, Avdetniñ bildirgenine köre, yanvar 26-da 10 künge apis etildi.

İlmi Umerovğa qarşı Rusiye Federatsiyası Cinaiy kodeksiniñ 280.1 maddesi 2-ci qısmı («Rusiye Federatsiyasınıñ topraq bütünligini deñiştirmek maqsadınen halq ögünde çağıruvlar ve areketler etüv») boyunca cinaiy iş açıldı. Bundan evel Qırım prokurorı Natalya Poklonskaya ilân etti ki, 2016 senesi mart ayında Umerov, Ukrainada bulunıp, ATR ukrain telekanalınıñ canlı yayınında iştirak etti, ve o yerde Rusiye Federatsiyasınıñ topraq bütünligini bozmaq kerek olğanı aqqında çağıruvlar ile halq ögünde sözde bulunğan edi.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET