Jamala toy keçirilmesi içün eñ yahşı yerni ayttı

17.03.201713:45778
Джамала 1

Ukrain yırcısı Jamala (Susana Camaladinova) añlattı ki, olarnıñ Seit-Bekir Suleymanov ile toyu Kiyevde yapılacaqtır, amma böyle merasim içün eñ güzel yer Qırım olur edi.

Bu aqta o, «Veçerniy kvartal» eglence şou yañı programmasınıñ yazıluvı devamında ayttı.

Jamalanıñ sözlerine köre, onıñ toyu bu sene keçirilecek, amma tam tarihını aytmadı.

Yırcı bildirdi ki, onıñ toy anterleriniñ birini ukrain-gürcistanlı dizayner, digerini – ukrain dizayneri tike. Yüzükler ukrain istisalcısından olacaq, dep bildire «RBK – Ukraina».

«Bir anter ukrain-qırımtatar üslübinde olacaq. Böyle bir qırımtatar-ukrain toyu keçirilmesi planlaştırıla», – dep ayttı Jamala.

Bundan da ğayrı, yırcı toy seyahatı aqqında ayttı.

«Barmağa pek isteymiz, amma bu pek qısqa (seyahat, – Avdet) olacaqtır, çünki endi kontsert cedveli bar», – dep qayd etti Jamala, ve ayttı ki, belki de, olar Seit-Bekirnen beraber Avropağa seyahatqa baracaqlar, çünki «deñiz ve küneş içün daa çoq vaqıt kerektir».

джамала

Foto: Instagram

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Редакция AVDET

Author: Редакция AVDET

Avdet gazetası