2016 senesi qırımtatarlar tarafından teşkil etilgen parlaq merasimler göñüllerimizde ilham, vatandaşlarımızdan ğurur duyğularını ve kelecekke ümüt doğurdı. Avdet gazetası bu merasimlerni hatırlamağa teklif ete.
Noman Çelebicihan hatırasına bağışlanğan «Ant etkenmen!» edebiyat yarışı
«Qırımda yaşa» şounıñ taqdimi
Bekir Çoban-Zade adına Halqara mukâfatnıñ 10-cı taqdim merasimi
Elmaz Bahşışnıñ «Babam qurdı bir bağça» qırımtatar şiirleri cıyıntığınıñ taqdimi
Qırımda ilk Hip-Hop-QIRIM kontserti
Qırımtatar milliy bayrağı kününiñ qayd etilmesi
Kiçik qırımtatar qızları içün «Totayçıqlar klubı» açılışı
Yaş qırımtatar ressamlarınıñ işleri sergisi
«Açıq yürekler» qırımtatar göñüllileriniñ taqımı tarafından teşkil etilgen hayriye yarmalıqları, master-klassları ve kontsertleri
Yaqalanğan qırımtatarlarnıñ balaları içün «Bizim balalar» cemaat teşebbüs gruppası tarafından teşkil etilgen Qurban bayramına bağışlanğan merasim
Hansaray azbarında keçirilgen «Ustanıñ altın elleri» festivali
Aqmescit, Kezlev ve Bağçasarayda keçirilgen Oleksa Gayvoronskiyniñ «Qırım yurtu» kitabınıñ taqdimi
Kiyevde qırımtatar artistleriniñ «Vatan sesi» gala-kontserti
Mustafa Cemilev aqqında «Mustafa» vesiqalı filminiñ taqdimi
Qaradeniz Production studiyası tarafından yapılğan «Güzel Qırım» klipiniñ taqdimi
«Canlı ses» bala istidat-şou gala-kontserti
«Fidançıq» qırımtatar maarif merkezi tarafından teşkil etilgen balalar içün Yañı yıl bayramı
Bundan evel derc etilgen maqalede Avdet oquyıcılarğa vatandaşlarımıznıñ ğurur doğurğan bazı ğalebeleri ve muvafaqiyetlerini hatırlattı.
Bunen beraber, 2016 senesi qırımtatarlarnıñ evlerinde ve yarımada camilerinde elliden ziyade tintüv keçirildi, 14 insan yaqalandı, 16 adamğa qarşı cinaiy iş açıldı, 4 kişi mahküm etildi, 6 insanğa nisbeten mahkeme ceryanı devam ete.