Aqmescitte Emine Üseinniñ şiirler cıyıntığı taqdim etildi

20.01.201719:30

Aqmescitte belli qırımtatar şairesi Emine Üseinniñ «Kefe lâlesi» yañı kitabı taqdim etildi.

Taqdim merasimine qırımtatar ziyalıları davet etildi.

Bu, Emine Üseinniñ endi üçünci neşri ola: bundan evel balalar içün eki kitap neşir etildi. Bu kitapta ise, büyükler içün şiirler derc etildi.

«Kefe lâlesi» şiirler cıyıntığı Atatürk adına medeniyet merkezi yolbaşçısınıñ muavini Şaban Abaknıñ destegi ile dünya yüzüni kördi. Kitapnıñ dizaynını ve içindeki resimlerni belli qırımlı ressam Zera Akim azırladı. «Kefe lâlesi» kitabına 60 eser kirsetildi.

İlk sefer «Kefe lâlesi» kitabı Ankarada yanvar 6-15 künleri keçirilgen 11-ci Kitap yarmalığında taqdim etildi.

5

11

7

14

8

1

Foto: «Yurt» antiqavehanesi

Автор: Редакция Avdet

Редакция AVDET