Qarasuvbazar (Belogorsk) ve Qurman (Krasnogvardeysk) rayonlarında yağğan burçaq biñden ziyâde gektar bağçalarğa zarar ketirdi
Bu haberni Qırımnıñ naziri Yuriy Gotsanük bildirdi.
«Diametrde 20 millimetrden büyük olğan burçaq yağdı. Zararı ende belgilendi. 1100 gektardan ziyade meyva bağçaları zarar kördi. Şu bağlar sırasında bu 70% teşkil ete», — dep bildirdi Gotsanük Qırım ükümetiniñ toplaşuvında.
Sergey Aksönovnıñ qayd etkenine köre ise, 2018 senesi burçaq ketirgen zararğa qarşı çalışacaq hızmet teşkil etilecek, dep bildire «RİA-Krım» («Krım Cumhuriyet Haberler agentligi»)
Avdet haber etkeni kibi, tünevin Qarasuvbazarda burçaq yağdı. Ceviz büyükliginde olğan burçaq fotolarını yerli sakinler içtimayi ağlarda yerleştirdiler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.