Eki dane, Qırımda çalışqan ve sanktsiyalar tübünde bulunğan bankka (RNKB ve Tempbank), 31 avgust kününe qadar, SWİFT sistemasina kirmege yasaq etecekler.
RNKBda bildirgenlerine köre, Fintrast şirketi ile çalışma yolları qapatılğanı banknıñ işinde aks olunmaz. Fintrast şirketiniñ SWİFT sistemasına kirme aqqı bardır.
«Bu al, bizim bank tek Rusiyede çalışıp, ğarp banklarınen esaplar keçirmegeninen bağlıdır. RNKB Rusiyeniñ Merkeziy bankınen(Tsentrobank) çalışa, olarnıñ esaplama sistemasını qullana, onıñ içün işimiz tez ve keyfiyetli yapıla», — dep haber ettiler bankta.
SWİFT (Society for Worldwide Interbank Financial Telecommunication) Halqara banklar ara sisteması 210 ülkede yerleşken, 10 biñden ziyade bank ve maliye teşkilȃtlarını birleştire. Bir yılda bu sistemadan 1,8 milliard messaj keçe.
Qırımda çalışqan RNKB AQŞ ve Avropa birliginiñ sanktsiaları altına 2014 ve 2015 seneleri tüşti. Bank bütünley devlet mülkiyetindedir. Qırımda bu banknıñ 700 bankomatı, 600 yaqın terminalları ve 180 dane bölükleri çalışa. 1,4 million kişi ve 42 biñ teşkilȃt bu banknıñ müşterisi ola.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
