Qırım cumhuriyeti tarafından teşkil etilgen qırımtatar Hıdırlez bayramına bağışlanğan merasimde düyada eñ büyük 100 kilogrammlıq çiberek pişirildi.
Uzunlığı 2,5 metr, keñligi 1,4 metrni teşkil etken çiberekni pişirmek içün 18 adam çalıştı. Saq aşçıları taqımınıñ azırlıq işleri üç kün aldı.
«Bu, dünyada eñ büyük çiberek ola. Rekord yaptıq. Bundan evel rekord çiberekniñ uzunlığı 2,02 metrni teşkil etti», – dep ayttı Rasim Şeyhumerov.
Rekord çiberekni pişirmek içün 15 kilogramm et, 75 kilogramm un ve bir tonnadan ziyade yağ kerek oldı, dep bildire «RİA-Krım».
Çiberek pişirilmesine, teşkiliy meseleler köz ögüne alınıp, 180 biñ ruble sarf etildi.
Bu sefer Hıdırlez bayramında ananeviy qalaqay olmadı. Belli ki, qalaqay yuvarlaması bu bayramnıñ adetlerinden biri ola. İşanılğanına köre, qalaqay yüzü töpege baqıp tüşse, bu yıl bereketli olur.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
