2 avgust künü Qırımda İçki (Sovetskiy) rayonıniñ sakinini yaqalanğan Mamet Kurkçini qanunsız şekilde narkotiklerni işletkenini tüşüneler.
Yaqalanğanğa ceza qararını almaq içün mahkeme oturışı 3 avgust kününe tayin etilgen.
Advokat Cemil Temişev haber etkenine köre, Kürkçi buña öz alâqasını red ete ve özüni qabaatsız dep saya.
‘Soy-soplar oña qanundan tış taqıqat alıp barma usulları qullanğanını, ya da qullanmağanını, onı urmaylarmı dep ögrenmege rica ettiler. Zorbalıqnıñ iç bir izlerini men körmedim. Kurkçi özü de, onı qorqutmağanlarını ayttı’, – dep bildirdi advokat.
Qırımtatar milliy areketiniñ iştirakçisi Nariman Celal bu bir siyasiy taqip etme, ya da öyle bir şey olmağanı aqqında bir şey aytmağa zorlandı, dep bildirdi ‘Krım. Realii’.
‘Onı (Mamet Kurkçini) sade bir köy sakini, traktorcı olaraq tanıtalar. Pek milletçi bir insan, amma cemaat, içtimaiy-siyasiy faaliyetnen oğraşqanı aqqında kimse aytıp olamadı. Bu iş şiyasiy renk taşığanı aqqında biz bir şey aytıp olamamız, amma oña qarşı qoyulğan qabaatlarnen de razı olmağa aşıqmaymız. Biz bilemiz ki, eger kerek olsa, insanlarğa qarşı Cinaiy qanunname maddeleri ve belli bir maqsadnen istenilgen qabaatlar da işletile bileler’, – dep bildirdi Celal.
Hatırlatamız ki, tünevin İçki rayonınıñ sakini Mamet Kurkçiniñ evinde uquq qoruyıcılar tintüv keçirdiler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
