Qırımnıñ yañı naqliyat naziri İgor Zaharov oldı.
Bu haberni Qırım ükümetiniñ matbuat hızmetinde bildirdiler.
İ. Zaharovğa yolcularnıñ taşıma meselesini ve imtiyazları olğan sakinleriniñ problemelarını nezaret altına almağa emir ettiler.
«Nazirliginiñ işi üç temelde turmaq kerek: Keriç parom keçiti, Simferopol halqara ava limanı ve cumhuriyet ve şeer içi yolcu taşımalar problemaları. Ava limanınıñ ve Keriç keçitiniñ çalışmaları doğurtıldı. Amma marşrut ve avtobus yörümeleri pek yaramay alda», — dedi Aksönov.
Daa, yañı nazirge, paytahtta saat 20.00 soñ, marşrut ve avtobuslarınıñ yörüme problemelerını çezmesini buyurıldı.
Aksönovnıñ sözlerine binayen, şeer içinde naqliyatnıñ areket etüv shemalarını, aynı marşrutlarnı yoq etilmesi, probkalar meselesini ve köylerden şeerge qadar yetip kelmek problemelarını çezmek kerek. Aqmescit, Yalta ve başqa deñiz yalısındaki şeerler arasındaki naqliyat shemalarını bir tertipke ketirmek kerek, çünki propkalar vaqtında üç şeer içinden keçip kelmek ağır meseledir.
Qırım ükümetiniñ matbuat hızmeti bildirgeni kibi, Zaharov çoq vaqıt devamında «Rusiye demir yolu» ve «Rusiye deñiz limanı» teşkilâtlarında çalıştı.
Sabıq naqliyat naziri Anatoliy Volkov istifağa 4 avgust künü ketti. O öz vazifesini 2016 senesiniñ avgust ayından berli eda ete edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
