Yaqalanğan dört qırımtatarını apis izolȃtorında tutalar

02.10.201723:29

Bugün, 2 oktȃbr künü, evlerinde tintüvler keçirilgen Renat Suleymanov, Seyran Mustafayev, Arsen Kubedinov ve Talȃt Abdurahmanovlarnı Aqmescitteki izolȃtorğa yerleştirdiler.

3 oktȃbr, salı künü, Aqmescitniñ rayon mahkemesinde, mahkeme oturuşı olacaq anda yaqalanğanlarğa ne şekilde tutuqlanğanları añlatılacaq.

«Mahkeme toplaşuvınıñ tam vaqıtı daa  belli degil, amma taqıqatçı emin sesinen, mahkeme oturışı yarım olacağını bildirdi. Şimdi daa olar yaqalanğanlar statusında bulunalar, bizge tintüv ve apis etüv vesiqalarınıkösterdiler», – dep ayttı advokat.

Sorğu neticesinde, yaqalanğanlar laqırdı etecekleri aqqında ayttılar.

«Men qoruğanTalȃt Abdurahmanov, ekstremistik faaliyette qabaatlana. Bugünki künde, o tutuqlanğan statusında buluna, cinayi işni prokuraturağs yolladılar, Talȃt, suallrege cevap berdi ve Konstitutsyanıñ 51 maddesini qullanmadı».

«QırımAqiqat» haber etkenine köre, polisler, ekspertiza  keçirmek içün, Renat Suleymanovnıñ sesini yazıp aldılar.

«Ekspertizağa sesini talap etkenleri, beftan degil. Men bellesem, taqiqatçılarda ya audio, video bardır, er alda oña qulaq qoyğandırar»,  dep ayttı Seedlȃyev.

Daa belli olğanına köre, yaqalanğan Seyran Mustafayevğa belirlegen advokat tayın etilecek.

«Soy – sopı, vaqtında oña advokat tapadılar. Men bellesem, yaqın vaqıtlarda onda añlaşma neticesinde alınğan advokatı olacaq», – dep qoştı o.

Hatırlatamız, 2 oktȃbr künü, Aqmescitniñ Molodöjnoye qasabasında Renat Suleymanovnıñ evinde tintüv keçirildi, ev saibi belgisiz tarafqa alıp ketildi.

Qarasuvbazar  (Belogorskoye) rayonınıñ Terekli – Şeyh – Eli (Melniçnoye) köyünde Talât Abdurahmanovnıñ evinde de tintüv keçirildi ve o adam da belli olmağan tarafqa alıp keetildi.

Bu künü Qırımda üç dane «Tabliği Camaat» teşkilȃtınıñ yoq etilüvi aqqında aytqan ediler.

«Tabliği Camaat» teşkilȃtı, 1926 senesi İndistanda Maulana Muhammad İlyas tarafından tizilgen ve siyasetke içte qarışmağan bir diniy yoneliş olğan. Bu yonelişniñ esas maqsadı, insanlarnıñ içtimayi ve iqtisadiy seviyelerinde baqmadqn islȃmn añlatmaq olğandır. 2099 senesi, Rusiyeniñ Yuqarı mahkemesi, bu teşkilȃtnı ekstremistik, dep saydı ve yasaq etti.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.