10 yaşlı Rianna Kudrâvtseva dünyada eñ dülber qızçıq, dep saylandı. «Mini Miss Mıra — 2017» adlı halqara balalar konkursında Rianna Kudrâvtseva altın tac qazandı ve «Little miss world category winner» unvanına nail oldı.
Konkurs Yunanistannıñ Soloniki şeerinde keçti. Mında çeşit devletlerden 60 iştirakçi kelgen. Rianna Qırımnı ve qırımtatarlarnı taqdim etti.
Konkursqa azırlıq bir qaç ay devam etti. Hakqara jüri, defile, tışqı körüniş, art-köstüm kibi nominatsiyalarda qıymet kestiler. Ondan da başqa, er bir konkursant öz sotsial leyhalarını taqdim ettiler. Bizim iştirakçi, anasınıñ yardımı ile, beden qusurları olğan balaçıqlar içün çalışqan delfinariy aqqında leyha azırladı.
Episi iştirakçiler, öz milliy yemekleri ile sofralar donattılar, milliy kostümlerini taqdim ettiler, yırladılar, oynadılar ve urf – adetleri aqqında aytıp berdiler. Rianna milliy tatlılıqlarnı ketirdi ve sofranı özü donattı.
Riannanıñ milliy urbası ve ocean fantasy art kostümi, jüri diqqatını birden çekti.
10 yaşlı Rianna SİS adlı Aqmescit halqara mektepniñ talebesidir. Milliy oyunlarnen, resim yapmaqnen oğraşa ve aş pişirmege ögrene.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
