Tataristannıñ maarif nazirligi, mekteplerde tatar tili statusını belgiledi

06.11.201722:10

Tataristannıñ maarif ve ilim nazirligi, mekteplerde tatar ve rus tilleriniñ miqdarını belgiledi. 3 noyabrden 4 noyabrge keçere gecesi nazirlikniñ başı Engel Fattahov tahminiy oquv planını imzaladı. Mektepler alğan mektüplerde, bu qarar tevsiye şekilini taşığanını qayd etile, amma oquv yurtları bunı mecburiy, dep qabul etti.Tatar tili, devlet tili olaraq aftada eki kere mecburiy qala, rus tili ise, «ana tili» kibi üç ders oqutılıacq. Rus tili ve edebiyatı pek çoqlaştırılmadı.

Asılında, bu plan evelkisi kibi. Farqı tek bir şeyde bar, bu da «Ana tili ve edebiyatı» eki qısımğa bölüngen: «Ana tili ve edebiyatı» ve «Tatar tili (Tataristan Cumhuriyetiniñ devlet tili)». İza tezkeresinden, tatar tili devlet tili olaraq, ögretilmek içün mecburiydir, ana tili ise, göñülli şekilde ögrenile bile.

Tatar tili, 1-den 9 sınıf muvazlarında mecburiydir. Aftada eki saat ögretilecektir. Göñülli olğan ana tili ve edebiyatı ise, başlanğıç sınıflarda, aftada üç saat ögretilecek. Tek istisna olaraq,1sınıf ve 5-den 9 sınıfqa qadar aftada eki saat ögretilecek.

10-ci ve 11-ci sınıflarda ise, Tataristannıñ maarif nazirliginiñ tefsiyelerine köre, oquv planı 9.10.2017 №TS 945/08 MO RF mektübine binayen yerine ketirilecek. Bu mektüpte «Ana tili ve edebiyatı mecburiy olaraq, tek başlanğıç ve esas sınıflarda, yani 1-den 9 sınıfqa qadar, mecburiy şekilde ögretilecek. Yuqarı sınıflarda ise, göñülli şekilde ögretilmek kerek. Ve bu yerde Rusiyeniñ maarif nazarligi, «ana» tili olaraq, «Rusiye milletlerniñ tilleri, ve bu sırada rus tili de ola bile», dep kayd etti.

Engel Fattahov taqdim etken oquv planı, 25 oktâbr künü, Qazanda keçirilgen «til siyasetiniñ ilerletme meseleleri boyunca toplanğan körüşüv» niñ qabul etken rezolütsiyasına esaslanğndır. Bu vesiqada, tatar tili, devlet tili olaraq, 1 sınıftan 9 sınıfqa qadar ögretilmesi mecburiydir, 10 ve 11 sınıflarda ise, göñülli şekilde ögretilmek kerektir, mekteplerdeki rus tili saatlerini ise, Rusiyeniñ maarif nazirliginiñ qoyğan seviyesine yetkizmek kerekligi belli etile. Bir farq olaraq, Fattahov saatler miqdarını tainledi.

Yani, 1sınıftan 4 sınıfqa qadar, rus tili aftada dört saat ögretilecek (başta üç saat edi), edebiy oqv eki saat, 1 sınıf istisna, mında aftada bir der sete, dep belgilediler (başta 1 ve 3 sınıflarda aftada eki saat edi, 2 ve 4 sınıflarda ise, edebiy oquv, atada üç saat edi), dep haber ete «Realnoye vremâ».

Avdet haber etkeni kibi, Rusiye prezidenti Vladimir Pütin, mekteplerde, ballar tarafından, milliy regionlarnıñ tillerini mecburiy şekilde ögretilmesine qarşı olğanını bildirgen edi.

Hatırlatamız, Qazanda mektep talebeleri tilni, tatar konstsitutsiyasınıñ eñ ciddiy şekili boyunca, rus tilini aftada 6 saat, ve tatar tilini de, 6 saat ögrene ediler.

Tatar tilini ögrenilmesi aqqındaki tafsilâtlı malümatnı bu yerde tapa bilesiñiz.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.