Bugün, iyül 27-de, Moskvada Rusiye Yuqarı mahkemesinde Ruslan Zeytullayevniñ davası baqılacaq, o, devlette yasaq etilgen «Hizb ut-Tahrir» teşkilâtınıñ Aqyar (Sevastopol) bölügini teşkil etkeninen qabaatlana.
Toplaşuvda prokuratura Zeytullayevniñ apiste bulunma müddetiniñ 12-den 17 yılğa uzattırılmasını talap etecek.
Zeytullayev toplaşuvda Rostov-na-Donu SİZO-sından video bağı vastasınen iştirak ete. Onıñ üstünde «Sımarış yapılğan» yazısınen beyaz mayka bar.
Avdetniñ evel bildirgenine köre, prokuror «Aqyarlı dört kişi» işi boyunca mahkemeniñ Ruslan Zeytullayevge nisbeten qararına şikâyet arizasını berdi. Evel o, Zeytullayevni 17 yılğa qattı nizam koloniyasına qapatmağa talap etken edi. Dekabr 27-de Rusiye Federatsiyası Yuqarı mahkemesi prokurornıñ şikâyetini qanaatlendirdi ve «Hizb ut-Tahrir» bölügini teşkil etkeninen qabaatlanğanRuslan Zeytullayevniñ işini Rostov-na-Donu şeerindeki Şimaliy-Qavqaz arbiy okrug mahkemesine yolladı.
Sentâbr 7-de Rostov-na-Donu şeerindeki arbiy mahkeme «Hizb ut-Tahrir» işi boyunca yaqalanğanlar boyunca üküm çıqardı. Böyleliknen, terroristik faaliyetni teşkil etkeninen qabaatlanğan Ruslan Zeytullayev 7 yılğa apiske qapatıldı, Ferat Sayfullayev, Rustem Vaitov, Nuri Primov 5 yılğa umumiy nizam koloniyasına tüşti.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
