Qırımdan sürgün etilgen ve şimdiki vaqıtta Krasnodar ülkesiniñ filtratsiya noqtasında bulunğan qırımtatar faali Nedim Halilovnıñ azat etilüvi içün onıñ Özbekistan vatandaşı olmağanı aqqında tasdıqlav vesiqası kerek. Onı Özbekistanğa sürgün etecek olalar.
Bu aqta rusiyeli uquq qoruyıcı Dagir Hasavov haber etti.
Lâqayt olmağan qırımtatarlarnı, bu vaziyette yardım etmege imkânı olğan kişilerni seslenmege çağıralar.
Avdetniñ evel bildirgenine köre, Nedim Halilov Qırımdan mahkeme qararına binaen çıqarıldı. Sürgün sebebi, Sovet Birligi pasportı oldı. Başqa vesiqalarnı o red etti. O, bir qaç ay devamında Krasnodar ülkesi, Lazarev rayonı, Vardan köyündeki filtratsiya noqtasında bulunacaq, bundan soñ, Özbekistanğa sürgün etilecek.
Soñra Nedim Halilov açlıqnı ilân etti. O, onı yarımadağa qaytarmasını, bunen beraber, oña milleti «qırımtatar» olğanı qayd etilgen vatandaşlıqsız şahıs statusı berilmesini talap ete. Bundan soñ o, onı psihiatrik hastahanege keçirmege istegenleri aqqında bildirdi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
