Yarın Bağçasarayda yaqalanğan altı kişige tutuqlanma şekillerini saylaycaqlar. Şimdi olar Aqmescitte vaqtınca tutulğan İzolȃtorda bulunalar.
Böyleliknen, Suleyman Asanovnı terroristik faaliyetni teşkil etkeni içün mahkeme etecekler. Qalğanlarnı ise, (Timur İbragimov, Memet Bilȃlov, Server Zekiryayev, Seyran Saliyev ve Ernest Ametov) – terroristik arekette iştirak etkenleri içün.
Avdet haber etkeni kibi, saba 11 oktȃbr künü Bağçasarayda, «Salaçıq» kafesiniñ saibi Suleyman Asanovnıñ, bir qaç kereler endi qanunsız mitingler teşkil etkeninde şeklengen Seyran Saliyevniñ, Timur İbragimovnıñ ve Server Zekiryayevniñ evlerinde tintüvler olıp keçken edi.
Qırım ve Aqyar boyunca çalışqan Rusiye FSBsında, yaqalanğanlar, Rusiyede yasaqlanğan «Hizb-ut-Tahrir al — İslâmi» halqara terroristik teşkilâtnıñ iştirakçileri olğanlarında qabaatlanalar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
